Bydd Ballet Annibynnol Cymru yn cynnal eu rhaglen Dawns Haf Glan yr Afon 2010 (pythefnos eto o ddawnsio trylwyr!) ym mis Gorffennaf 2010. Bydd yr wythnos gyntaf (i ddawnswyr iau) ar fynd o 19-23 Gorffennaf a chynhelir yr ail wythnos (i ddawnswyr hŷn) o 26-31 Gorffennaf, felly cofiwch ymorol eich bod yn cynllunio eich gwyliau o gwmpas y dyddiadau hyn!

Dydi’r cyfnod archebu ddim wedi dechrau eto ond am ragor o wybodaeth, neu i ymuno â’n rhestr bost Dawns Haf Glan yr Afon 2010, anfonwch e-bost ataf yn amydoughty@welshballet.co.uk i roi’ch enw a’ch cyfeiriad a byddwch gyda’r cyntaf i gael gwybodaeth am ein cyrsiau.

Cefnogaeth o’r unfath / cyfleoedd eraill

Os nad oes gennych chi’r gyllideb i’w gwario ar nawdd arian sychion ond ac arnoch chi eisiau meithrin cysylltiad â’r ballet trwy ddarparu nwyddau neu wasanaethau ar ein cyfer ni’n rhad ac am ddim yn gyfnewid am fanteision wedi’u haddasu’n benodol a’ch enw yn ein rhaglenni, byddem wrth ein bodd yn clywed gennych.

Partner teithio

Mae Ballet Annibynnol Cymru yn teithio i dros 50 o theatrau, yn perfformio i dros 17,000 o bobol bob blwyddyn ledled gwledydd Prydain. Bydd dod yn Bartner Teithio Ballet Annibynnol Cymru yn rhoi’r cyfle i’r dim i chi hyrwyddo eich cwmni ar Daith Genedlaethol i ganolbwyntio ar roi lle amlycach i’ch busnes chi yn un o’r dinasoedd y byddwn yn teithio iddyn nhw. A chithau’n noddwr Ballet Annibynnol Cymru, mae’r nawdd y talwch chi yn datblygu ac yn gwella ein gwaith artistig ac yn rhoi mwy o werth iddo.

Mae gan Ffrindiau’r cyfle dihafal i fod â chyfran ym mhob agwedd ar fywyd y Cwmni, o ddosbarth ac ymarferion cwmni i ddiodydd ‘ar ôl y sioe’ a digwyddiadau eraill y Ffrindiau. Does dim modd cynnal safon uchel ein gwaith trwy gyllid y llywodraeth yn unig a dyna pam rydym mor ddiolchgar i’r unigolion lawer sy’n cefnogi ein gwaith.

Os ydych chi am ddod yn un o Ffrindiau swyddogol Ballet Annibynnol Cymru, anfonwch siec neu archeb bost am £25 yn daladwy i Gwent Ballet Theatre Ltd i: Trwy law’r Ffrindiau, Ballet Annibynnol Cymru, 30 Cilgant Glasllwch, Casnewydd NP20 3SE

Manteision i Ffrindiau:

• Llyfryn lliw am ddim
• Gwahoddiad i wylio dosbarth y cwmni
• Gwahoddiad i chi’n unig i ymarfer Gwisg
• Croeso diodydd ‘ar ôl y sioe’
• Llythyrau Newyddion
• Unrhyw ddigwyddiadau eraill y Ffrindiau fel y parti Nadolig

Apêl sgidiau ballet

A dros 50 o berfformiadau’r flwyddyn a rhaglen hyfforddi ac ymarfer dwys a thrylwyr, mae dawnswyr Ballet Annibynnol Cymru yn treulio’n dyllau gannoedd o barau o sgidiau ballet bob blwyddyn. Heb sôn am y llathenni o ruban a lastig wedi’u gwnïo arnyn nhw i gadw’r sgidiau arbennig yma ar eu traed! Gan ddibynnu ar y repertoire a’r gwahanol rolau mae dawnsiwr yn eu perfformio, mae sgidiau ballet a Pointe yn treulio’n dyllau cyn pen dim. Mae rhai dawnswyr yn treulio’n dyllau ddau bâr yr wythnos. O bell, mae sgidiau i gyd i’w gweld yr un fath. Ond o’u gweld yn agos mae pob esgid wedi’i dylunio’n benodol i ffitio pob dawnsiwr unigol. Gan hynny mae sgidiau Pointe yn wariant drud ond hanfodol i Ballet Annibynnol Cymru. Mae eich cefnogaeth i’r apêl yma’n llythrennol mewn lle i alluogi ein dawnswyr i fynd allan ar y llwyfan i berfformio.

Mae croeso i unrhyw gefnogaeth, neu gallwch gyfrannu:

£15 am bâr o sgidiau Ballet, neu

£25 am bâr o sgidiau Pointe

O anfon siec neu archeb bost i: Trwy law’r Apêl Sgidiau Ballet, Ballet Annibynnol Cymru, 30 Cilgant Glasllwch, Casnewydd NP20 3SE

Bydd diolch i chi am eich cefnogaeth yn ein rhaglen.

Arweinir y sesiynau gan aelodau’r cwmni a gellir eu haddasu’n arbennig ar gyfer unrhyw ddosbarth neu grŵp. Mae ein gweithdai’n agored i bawb ac mae’r cwmni wedi ymrwymo i weithio gyda phobl o bob oedran, hil, gallu a chefndir mewn modd difyr ac adeiladol, o newydd-ddyfodiaid i fyd dawns hyd at lefel broffesiynol.

Mae gweithdai a dosbarthiadau meistr yn cael eu nodi ar ein taflenni taith a’n gwefan, a gallwch drefnu mynychu un ohonynt drwy ffonio’r theatr berthnasol.

Fel arall, os hoffech fwy o wybodaeth am ein rhaglen addysg neu os hoffech drefnu mynychu gweithdy gyda ni, anfonwch e-bost at ein swyddog addysg – amydoughty@welshballet.co.uk